~~~ဘာပဲလုပ်လုပ် ပြည့်စုံ ပြီးမြောက်အောင်~~~

၁) အာရမ္ဘဝီရိယ- တစ်နေရာရာကနေ သယ်ဆောင်ယူလာသလို စရောက်လာ၊ ရှိလာ၊ ဖြစ်လာတဲ့ အစမှာဖြစ်တဲ့ ဝီရိယမျိုး။ ဒီဝီရိယက ဘုန်းကြီးတို့ လူမျိုးတွေမှာ ယေဘုယျအားဖြင့် အဖြစ်များတယ် လို့ ပြောကြပေမယ့် တကယ်တော့ လူတိုင်းရှိကြတဲ့ အဖြစ်များကြတဲ့ ဝီရိယပါ။ ဒါပေမယ့် အခက်အခဲ တွေ့ရင် တွန့်သွားလို့ ရေရှည်မခံလို့ ဟုန်းခနဲတောက်ပြီး ဝုတ်ခနဲငြိမ်းတဲ့ ကောက်ရိုးမီးလို လုံ့လမျိုးလို့ တင်စား ပြောကြတယ် မဟုတ်လား။ ဒီဝီရိယမျိုးနဲ့တော့ ဘာပဲလုပ်လုပ် ပြည့်စုံ ပြီးမြောက် အောင်မြင်ဖို့ မဖြစ်နိုင်ပါဘူး။

၂) နိက္ကမဝီရိယ- ခါတွက်ထုတ်ပစ်သလို ဆန့်ကျင်ဘက်တွေကို တွန်းလှန်နိုင်တဲ့ သတ္တိမျိုးနဲ့ ပြည့်စုံတဲ့ ကြံ့ကြံ့ခံတဲ့ ဝီရိယမျိုး။ ဘာပဲလုပ်လုပ် အစလောက် ဘယ်ဟာမှ မနိမ့်ပါ မလွယ်ပါဘူး။ တက်လေ မြင့်လေ နက်လေ ခက်လေပါပဲ။ အဲဒီအခါမျိုးမှာ တွန့်မသွားဘဲ အကြောက်တရားကို ကိုင်လှုပ် ခြောက်ခြားနိုင်တဲ့ အခက်အခဲကို ကြံ့ကြံ့ခံနိုင်တဲ့ ဒီ နိက္ကမဝီရိယမျိုးရှိမှ လုပ်သမျှကို ခရီးရောက်အောင် လုပ်နိုင်ကြမှာပါ။ ဒီဝီရိယမျိုးကျတော့ ဘုန်းကြီးတို့ လူမျိုးတွေမှာ သိပ်မရှိကြဘူး။ အဖြစ်နည်းတယ်ပေါ့။ ဒါကြောင့် တစ်ခုခုကို ခရီး ရောက်အောင် လုပ်နိုင်တဲ့သူက လူနည်းစု ဖြစ်နေဦးမှာပါ။

၃) ပရက္ကမဝီရိယ- ရှေ့ဆုံးက စဖြစ်လိုက်တဲ့ အာရမ္ဘဝီရိယကနေ (ကောက်ရိုးမီးလို မဟုတ်ဘဲ) နောက်နောက် အစဉ်မပြတ် အဆက်မပြတ် တရစပ် အားထုတ်နိုင်တဲ့ ဝီရိယမျုိး။ စွဲစွဲမြဲမြဲ လုပ်နိုင်တဲ့ သတ္တိရှိလို “စွဲ” လို့ ပြောရာက “ဇွဲ” ဆိုတဲ့စကား ဖြစ်လာတယ်လို့ ဆိုကြပါတယ်။ အဲဒီဇွဲဆိုတဲ့ ပရက္ကမ လုံ့လဝီရိယမျိုး အထိ ဝီရိယ သုံးမျိုးလုံး စုံမှ အရာရာ ခရီးရောက် ပေါက်မြောက် အောင်မြင်ကြမှာပါ။ ဘာပဲလုပ်လုပ် ပြည့်စုံအောင် ဝီရိယ သုံမျိုး အစုံဆောင်ရပါလိမ့်မယ်။


ပြည်တော်ဦး ဆရာတော် အရှင်ပဏ္ဍိစ္စ ဘလော့ဂ်မှ ကူးယူဖော်ပြ မျှဝေပါသည်။

ဒါကတော့ ၂၀၀၇ ခုနှစ် ဗိုလ်တစ်ထောင် ဘုရားပွဲမှာ ကျင်းပပြုလုပ်တဲ့ တရားပွဲကနေ မှတ်သားဖြစ်ခဲ့တဲ့ ဆရာတော့်ရဲ့ အဆုံးအမလေးပါ။ ပြည့်စုံအောင် ဒီအဆုံးအမလေးပါ ထပ်မှတ် လိုက်နာ ကျင့်ကြံလိုက်ပါဦး။


လေးစားရိုသေစွာဖြင့်
ဖိုးသား
8/7/2010, SAT:, 9:41:32 AM