အလင်းမရ၊ ကျဉ်းမြမြဖြင့်
မလှအဆင်း၊ ဥခွံတွင်းမှာ
သက်ဆင်းကာနေ၊ တွေဝေေ၀နှင့်
အမေမွေးရာ၊ ထိုကမ္ဘာဝယ်
ငှက်ငယ်တစ်ကောင်၊ မိုးမှောင်မှောင်..။

မှောင်မိုက်အတိ၊ လင်းမရှိသည့်
တင်းကြပ်ပိတ်လှောင်၊ ဥခွံဘောင်တွင်း
ဝပ်ဆင်းခယ၊ ကျဉ်းကြပ်လှစွာ
နေရရှာသော အိုငှက်ငယ်…

ထိုဥခွံတွင်း၊ မှောင်ခံတွင်းမှာ
ပျော်နိုင်လေလား၊ ပျော်နေလား..။

ပိတ်လှောင်မှုကင်း၊ လွတ်လပ်ခြင်းဆင့်
အလင်းရှိရာ၊ လွတ်မြောက်ရာသို့
မသွားချင်လား၊ သွားချင်လား..။

ထိုဥခွံနန်း၊ သင်စံမြန်းရာ
မှောင်ကမ္ဘာကို၊ ၀ဠာထင်မှတ်
သင်နှစ်သက်လျက်၊ ကြပ်ကြပ်မြတ်နိုး
မခွဲရိုးရှင့်၊ စွဲ,ပိုးဝင့်ချေ
နေမြဲနေသော်
သင်ဆက်မျှော်မှန်း၊ ဘ၀လမ်းသည်
ဝဲခန်းတွင်မြုပ်၊ ဒိုက်မှော်အုပ်၍
မလှုပ်ဝိုးတ၀ါး၊ ရေပြင်အလား..။

ဘ၀င်မကျ၊ ဘ၀မပြောင်
ဥခွံဘောင်နေ ငှက်ငယ်ရေ..

ကြည်စေဘ၀၊ တိမ်စင်လပမာ
မှောင်မှလွန်မြောက်၊ အလင်းပေါက်လို
သင်ရောက်လိုက..
ကျွတ်ဆတ်လှစွာ၊ ဥခွံလွှာကို
တွန်းကာလှုပ်ရှား၊ ရုန်းကန်အားဝင့်
နှုတ်သီးဖြင့်ဖောက်၊ ပြင်ပရောက်အောင်
သင်သည်ဖောက်ခွဲထွက်ချေလော့..။


လေးစားစွာဖြင့်
ဖိုးသား

8/24/2010, TUE:, 3:23:13 PM