မောင့်ဘ၀ ခရေပမာ

ခရေ…
မြေမှာမကြွေ၊ ပင်ယံဝေစဉ်
ဝင့်ရွှေရောင်လွှမ်း၊ ၀ါနုသမ်း၍
အ၀န်းမကျယ်၊ လှမျိုးသွယ်သည်
အဖူးလည်းလှ၊ ပွင့်လည်းလှ။
အဖူးလည်းမွှေး၊ ပွင့်လည်းမွှေး။

သခင်…
သင်ဆင်မျှော်မှန်း၊ ခရေပန်းသည်
အလှမ်းကျယ်စွာ၊ တွေးသောခါဝယ်
ပမာယှဉ်ခိုင်း၊ တု၍နှိုင်းယှဉ်
အကျွန်ပင်ဟု၊ သခင်ဆင်မြန်း
အဖြည့်ပန်းမို့၊ ကြွေနွမ်းသည့်ခါ
မနှစ်မှာစိုး၊ ရွှေရင်ညှိုး၍
ခိုကိုးစိတ်တွင်၊ အတွေးဝင်သည်
သခင်ယုမှ၊ နုမည့်ဘ၀။
သခင်ဆင်မှ၊ ယဉ်မည်ပ။

သို့ပင်သို့ငြား…
စိတ်ကစားမိ၊ အပြစ်ရှိ၍
မသိစိတ်ကွန့်၊ အကျွန်ရွံ့သည်
ကြွေနွမ်းလေမည့် ခရေပန်းမို့
သခင်လှမ်းမည်လား။
ကြွေလွင့်လေမည့် ခရေပွင့်မှာ
သခင်နေ၀ံ့လား။

သခင်…
အသင်ဆင်ဆင် မဆင်ဆင်
အသင်ကြင်ကြင် မကြင်ကြင်
သခင့်အတွက်၊ စကားချပ်ကား
ဂုဏ်မာန်မ၀ံ့၊ ခရေပွင့်သည်
ဝေလည်းမွှေးဆဲ၊ ကြွေလည်းမွှေးမြဲ။
လန်းလည်းမွှေးဆဲ၊ နွမ်းလည်းမွှေးမြဲ။ ။

ဒီကဗျာ လေးကို တော့ သန်လျင်မှာ ကျွန်တော် နေထိုင်စဉ် 25.01.2007, THU: နေ့က အချော သတ် ရေးပြီးခဲ့ပါတယ်..။

လေးစားစွာဖြင့်
ပြည့်စုံအောင်

11/21/2008, FRI:, 14:41:58 pm
pyaesoneaung2007@gmail.com